Koristenje na tehničkite indikatori

Графиконите на цените им помагаат на трејдерите да ги препознаат пазарните трендови погодни за тргување. Техничките индикатори овозможуваат проценка на снагата и одржливоста на трендот. Ако индикаторот назначи промена на насоката, подобро да ја проверите промената пред да делувате. Тоа во пракса може да значи чекање одреден временски период како би се утврдила исправноста на тој индикатор или проверка на некој друг индикатор. Трпението е од голема помош при правилно читање на индикаторот и адекватно реагирање.

ВИДОВИ НА ДВИЖЕЧКИ ПРОСЕЦИ

Еден од најзастапените индикатори е движечкиот просек кој им служи на трејдерите да го потврдат тековниот тренд, да ги препознаат надоаѓачките трендови и да ги видат тие кои предолго траат и се спремаат за измена. Како што кажува името, во прашање се линии кои се поставуваат на графикон и кои го прикажуваат просекот на краткорочната флуктуација на цените, така што можете да ги согледате долгорочните трендови.

Едноставниот движечки просек подеднакво ја мери секоја цена во текот на одреден временски период. На трејдерот останува да дефинира дали ќе се користи повисоката или пониската вредност, односно затворање, после што овие вредности на цените се собираат, се вади просек и се формира линија.
Појачаниот движечки просек ги истакнува најновите податоци. Ја порамнува кривата цена и го прави просекот осетлив на моменталните промени на вредноста. Експоненцијалниот движечки просек ги истакнува најновите податоци за цените на малку поинаков начин. Тој го множи процентот на најновите цени со просекот од претходниот период.

ОДРЕДУВАЊЕ НА НАЈОПТИМАЛНИОТ ДВИЖЕЧКИ ПРОСЕK И ПЕРИОД ЗА ВАШИОТ ПАР

Може да се случи да ви биде потребно некое време додека пронајдете најдобра комбинација на движечкиот просек и временскиот оквир за вашиот валутен пар. Вистинската комбинација ќе направи развојот на трендот да биде јасно видлив. Пронаоѓањето на тој оптимум се нарекува прилагодување на кривата.
Најчеста постапка е таа, трејдерот прво да спореди неколку различни временски оквири на графиконот. Тогаш е можно да се спореди колку е добро и кога најрано секој временски оквир ја прикажува промената на цените и тогаш на основа на тоа да се види кој се покажал како најдобар показател.
Кога ќе пронајдете движечки просек кој најмногу одговара на вашиот валутен пар, на него, тогаш можете да гледате како на линија за поддршка за лонг позиции, или како линија на отпор на шорт позиции. Ако цената ја премине оваа вредност тоа е најчесто сигнал дека валутата пошла во спротивен правец.
На пр: Долгорочниот движечки просек дефинира тренд, но краткорочниот може многу побргу да сигнализира негова промена. Заради тоа многу трејдери овој просек го го посматраат од неколку различни временски опсези.
Ако краткорочниот просек се вкрсти со долгорочниот тоа најчесто сигнализира крај на некој тренд.

СТОХАСТИК ИНДИКАТОРИ

Стохастик индикаторите или осцилатори помагаат во следењето на одржливоста на некој тренд и сигнализираат пресврт во вредноста. Постојат два вида на стохастик индикатори %К и%D кои можат да имаат вредност од 0 до 100. %К е „брз„ поосетлив индикатор додека %D е „спор„ и потребно му е повеќе време за движење. Стохастичките индикатори не се корисни во странични пазари. Во овие услови, линиите на %К и %D можат премногу да се вкрстат за да можат било што да сигнализираат.

ИНДЕКС НА РЕЛАТИВНАТА СИЛА (RSI-Relative Strength Index)

Како и Стохастик индикаторите, овој индекс ги мери моментните движења на некои цени на скала од 0 до 100. Потребно е секогаш да се потврди овој сигнал со некои други индикатори. RSI може да остане на ниско ниво подолг временски период, без пресврт во вредноста на цената.Тоа значи дека пазарот е јак или слаб и дека таков ќе остане подолго време. Прилагодете го RSI на тој временски оквир кој вам ви одговара. Краткорочниот RSI ќе биде преосетлив и ќе дава многу сигнали од кои повеќето нема да бидат одржливи. Долгорочниот RSI ќе биде помалку испрекинат. Пробајте да го ускладите временскиот оквир на овој индикатор со вашиот стил на тргување, краткорочни за дневни трејдери, долгорочни за оние со позиции. Одстапувањата помеѓу цените и RSI можат да сугерираат промена на трендот. Секако, потребно е да ги проверите сите сигнали пред да реагирате.

БОЛИНЏЕРОВИ ТРАКИ

Болинџеровите траки се се криви волатилности кои се користат да ја идентификуваат екстремната вредност на цената. Овие траки се „обмотуваат„ околу просекот на движење на цените користејќи низа броеви како стандардна девијација околу движечкиот просек. Нивниот автор Џон Болинџер го предлага следново:
„Допирот со горната или долната трака не значи автоматски и моментален пресврт на трендот. Овие траки динамички се прилагодуваат со промената на волатилностa , така што допирањето на траките само значи дека цената е многу волатилна”. Користете ги овие траки во комбинација со останатите индикатори како би ја одредиле јачината на трендот.

ФИБОНАЧИЕВИ НИВОА НА ПОВЛЕКУВАЊЕ

Фибоначиевите нивоа на повлекување се низи од броеви кои ги открил славниот математичар Леонардо Фибоначи во 12 век. Овие броеви ги опишуваат циклусите кои се појавуваат во природата, техничките аналитичари ги користат како би нашле повлекување на пазарот.

После значајни промени на движењето на цените, било на горе или на доле, цените обично повторно преминуваат поголем дел од оригиналното движење. Бидејќи тоа се случува, нивоата на на поддршка и отпор често се јавуваат во близина на Фибоначиевите нивоа на повлекување. Кај валутите, тоа значи дека ова повторување на движењето воглавно ќе се случува на 23,6%,38,2%,50% и 61,8% од претходното движење. 

Техничка анализа

Краткорочни валутни трендови

Оригиналниот текст е превзамен со дозвола от Forex.com. Адаптација - International Trading School d.o.o. Белград