Куповина и продажба со помош на налози

Во претходните лекции во мини школата на Форекс тргувањето зборувавме за тредвидувањето на валутните курсеви, фундаменталната и техничката анализа, фигурите и сигналите за тргување во техничката анализа, а тема на овој број ќе биде комуникација со Форекс пазарот, односно издавање на налози.

За да можете да комуницирате со другите луѓе морате да го научите јазикот и значењето на сите зборови, така што во дадениот момент ќе можете брзо да искажете она што сакате. Во професионалното Форекс тргување со пазарот се комуницира преку налози за тргување. Основна поделба на налозите е на куповни (BUY) или продажен (SELL). Значи доколку сакате да купите некој валутен пар, треба да одберете BUY налог или да кликнете на полето означено со BUY, а во спротивно, ако сакате да продадете некој валутен пар треба да кликнете на полето SELL. На сликата 1. Можете да видите како изгледа простор на графиконот каде ги издавате налозите за куповина и продажба.

Пазарна цена

Кога преку анализа сте дошле до одлука да купите или продадете одреден валутен пар, следно што треба да одредите е цена по која сакате да биде извршен вашиот налог. Налозите понатака се делат во зависност од цената на извршувањето. Можат да бидат по таканаречената пазарна цена (MARKET) или скратено MKT, што значи дека вие сакате да купите или продадете одреден валутен пар по моменталната пазарна цена. Тоа значи дека таа не е однапред одредена, туку вие сте спремни даприфатите било која цена затоа што ви е најважно сигурно да го добиете својот налог. Тоа е како потпишан бланко чек, кој сте му го врачиле на некого да напише износ кој му одговара. Професионалните трејдери не користат MKT налози зошто со нив неможат да го контролираат ризикот на сите инструменти кој не се исклучиво ликвидни. Ликвидноста на пазарот се одразува на тоа колкава е побарувачката и понудата во секој момент и дали можете во било кој момент да купите или продадете некој инструмент. Голема предност на Форекс пазарот е токму таа ликвидност, форекс претставува најликвиден пазар на светот со дневен промет од околу две милијарди долари, што ви пружа единствена можност за брз влез и излез од вашите позиции со најмал ризик. Ризикот кај акциите е голем зошто никогаш не знаете дали ќе можете да излезете кога вие сакате и по цената која на вам ви одговара. За да се случи тоа, мора да има лице од другата страна кој ќе сака да го направи спротивното од вас за иста или поголема количина на акции. Значи, предноста на Форекс пазарот е во тоа што со издавањето на MKT налог можете да добиете во истиот секунд цената која ја гледате на графиконот и количината која е и повеќе од доволна. За да стекнете слика за големината и ликвидноста на пазарот ќе наведеме пример – никој нема ни да примети дека сте издале налог за 100 милиони долари, колку е таа количина мала за овој пазар.

Друга врста на налог по цена на извршување е лимит налогот или скратено LMT. Тоа е врста на налог каде вие точно ја одредувате цената која сакате да ја добиете за вашиот валутен пар и ништо друго не е прифатливо. Овој налог воглавно се користи за излез од позиција кога сакате на одредена цена да земете профит. Доколку сакате да земете профит на 30 пипови од вашата влезна позиција , можете да поставите LMT налог кој ќе чека да се промени движењето на пазарот во вашиот правец и да дојде до посакуваната цена која сте ја барале. Тогаш автоматски се затвара вашата позиција, а профитот кој сте го оствариле во истиот момент е на вашата сметка.

Задолжителен лимит

Контролирањето на ризикот е исклучиво важно во тргувањето. Пред да влезете во позиција важно е да знаете колкава е загубата која можете да ја поднесете, доколку пазарот се движи спротивно од она што сте предвиделе. Кога ќе го одредите својот ризик тогаш едноставно се штитите со поставувањето на стоп налогот. Доколку не сакате да ризикувате повеќе од 100 долари, тогаш поставете налог на цената која претставува разлика од вашата влезна цена за 100 долари и сигурно знаете дека неможете повеќе од тоа да загубите. Од друга страна сте поставиле Лимит налог кој чека да го земе профитот доколку пазарот се движи во по вашето сценарио. Во тој случај со поставениот стоп и лимит налог знете дека ризикувате да кажеме, 100 долари и очекувате профит од 500долари. Во тој случај вие го контролирате стоп налогот за да не изгубите повеќе од 100 долари, а ќе добиете 500 долари доколку се оствари вашата прогноза за идното движење на цената на пазарот. Исто така, можете да поставите поединечни налози по ваша желба каде можете да имате само заштита од ризик или можете да имате само Лимит налог. Постојат уште врсти на налози, меѓутоа тие ќе ви бидат потребни за понапредни стратегии за тргување , а за почеток тоа се BUY, SELL, STOP и LIMIT се што ви треба за да бидете во бизнисот.

Исклучиво е важно за секоја од позициите кој ќе ги завземете да ги заштитите со стоп налози и да не помислувате да тргувате без него. Немојте да заборавите дека вашиот ризик е единственото нешто што можете да го контролирате при тргувањето. Секоја загуба од милион долари започнала со една мала загуба од еден долар, затоа ограничете ја загубата додека е во рамките на она што можете да го прифатите.

<<Содржина<<                                      Следно: >>Професионалните трејдерите се стрпливи>>