Професионалните трејдерите се стрпливи

Пред да почнете со било кој бизнис, важно е да имате јасна стратегија што точно ќе правите и како ќе го остварите профитот. Во форекс тргувањето е исклучиво важно да ја дефинирате својата стратегија што подетално, за да избегнете непромислени и емотивни влезови во позиции.

Стратегијата треба да содржи сигнали на основа на кои ќе одлучите да отворите позиција, потоа како ќе управувате со неа и кога ќе излезете од неа. Битно е да знаете дека не постои ниедна стратегија која константно дава профит без загуба. Значи, ако сте свесни дека не постои волшебна формула за да се збогатите, тогаш животот ќе ви биде полесен зошто нема да губите време на барањето на истите, туку ќе го прифатите фактот дека во професионалното тргување се ,,тргува со веројатност”.

Што е веројатност?

Во одредени ситуации веројатноста е голема дека нешто ќе се случи. Го чекате тој момент и тогаш влегувате во позиција на основа на која очекувате да остварите профит. Бидејќи случувањата, односно движењето на пазарот, никогаш неможе да се предвиди со сигурност од 100%, секогаш морате да му се покорите на пазарот и да ја прифатите својата грешка како дел од статистиката. Исто така важно е да се воздржите од тргување доколку моменталната ситуација на пазарот не дава голема веројатност на предвидување на движењето на пазарот.Тоа можеби претставува еден од најтешките предизвици кој ве чекаат во тргувањето и тој е основен дел на дисциплината која е пресудна во секој бизнис, а посебно во овој. Важно е да сватите доколку сакате да бидете профитабилни во тргувањето, морате да имате трпение и да почекате поволна ситуација, а тогаш брзо да реагирате!
Дококу трпението не е ваша јака страна, тргувањето може да ви стане забава, што е можеби најбрз начин да откриете како брзо можете да го загубите вашиот капитал! Во одредени периоди на денот пазарот се движи брзо и тргувањето е динамично, додека некогаш е монотоно и бара доста трпение. Важно е да го препознаете тоа и да реагирате адекватно со времето во кое се наоѓате и околностите кои се на пазарот. Како што можете да видите на Форекс пазарот е како и со годишните времиња, можат да се менуваат околностите и причините за ваш влез и излез од позиција, па затоа морате да имате повеќе разработени стратегии за да можете да се прилагодите на опкружувањето. Добро е да развивате стратегии за одредени делови на денот затоа што пазарот е како животно кое пробувате да го скротите па морате да одлучите дали ќе и пријдете кога е во полна снага или кога е мирна.

Најчеста грешка

Во процесот на развивање на стратегии, опасна, меѓутоа и честа грешка е влегување во трејд без никакво претходно знаење и обука и инсистирање да се оствари што поголем профит, што побрзо. Таков пристап имаат 85% луѓе кој најчесто го губат целиот свој капитал за неколку дена до шест месеци. Она што е денес голема предност е што постој демо налог кој можете бесплатно да го отворите и на кој можете да ги испробате својте можности во правењето профит без ризик на губење на прави пари. Ако се учите на вистински пари, можете да доживеете да го изгубите и едноставно веќе немате со што да тргувате.

Да знаете како!

Доколку ве интересира професионално изработување на стратегии, основано на статистика, веројатност со помош на трејдерите со долгогодишно искуство, обратете се во International Trading School каде можете да ги научите основните принципи и закони кој владеат на пазарот и со помош на нив да креирате систем кој ќе ви помогне да препознаете ситуации кој имаат голема веројатност за профит. Во секој случај, пред влез во секоја позиција навистина е важно однапред да го оцените, прилагодите и прифатите ризикот кој, доколку не се случи она што сме очекувале, го носи секоја позиција. Доколку бидете дисциплинирани, стрпливи и упорни и издржите во овој процес, имате шанса да бидете во оние 15% трејдери кои го заработуваат својот профит од оние 85% недисциплинирани, нестрпливи и неприпремени кои губат.
И немојте да заборавите дека морате да знаете како и зошто сте направиле профит и да можете тоа да го повторите. Во спротивно тоа била само ,,почетничка среќа”, а во тој случај никогаш нема да станете професионален трејдер.

<<Содержина<<                                                Следно: >>Менаџмент на ризик>>